មេរៀន៖ ចលនាចរន្ត ដើរត្រាប់តាមសត្វទា ក្តាម និងខ្លាឃ្មុំ

ជាផ្នែកមួយនៃ គម្រោងសហគមន៍នេសាទបង្កើតការងារជាសេដ្ឋកិច្ចវិលជុំនៅបឹងទន្លេសាបខាងលិច (FOSTER) គ្រូមត្តេយ្យសិក្សាសហគមន៍ ២២នាក់ រួមទាំងគ្រូឧទ្ទេស ដែលជា មន្រ្តីជំនាញអប់រំកុមារតូច មកពីខេត្តបាត់ដំបង បន្ទាយមានជ័យ និងខេត្តសៀមរាប បានមកជួបជុំគ្នា រយៈពេល ៥ថ្ងៃ នៅខេត្តបាត់ដំបង ដើម្បីសិក្សាពី ការគ្រប់គ្រងរដ្ឋបាល និងការងារបច្ចេកទេសផ្នែកមត្តេយ្យសិក្សាសហគមន៍ ដែលជា​ ចំណុចចាប់ផ្តើម នៃកិច្ចសហការណ៍ជាមួយ ក្រសួងអប់រំ យុវជន និងកីឡា ដើម្បីបំប៉ន គ្រូមត្តេយ្យសិក្សាសហគមន៍ ឱ្យមានសមត្ថភាពជំនាញលើចំណេះដឹងទូទៅ សម្រាប់អនុវត្តការងារបង្រៀន និងរៀននៅមណ្ឌល ឬថ្នាក់មត្តេយ្យសិក្សាសហគមន៍តាមខេត្តរៀងៗខ្លួន។ វីដេអូមេរៀន #ដើរត្រាប់តាមសត្វទា ក្តាម និងខ្លាឃ្មុំ ជាមេរៀន មុខវិជ្ជា ចិត្តចលភាព ចលនាចរន្ត សម្រាប់កម្រិតមត្តេយ្យសិក្សា។